Na 12 siman aprendé pa emporesa.
Kralendijk, 13 di yüni 2023 – Riba djaweps 1 di yüni 2023 Qredits Boneiru a hasi entrega di sertifikado na 11 partisipante ku a kompletá e kurso di Small Business Academy eksitosamente den 2023. E futuro empresarionan a risibí nan sertifikadonan ku hopi orguyo. Qredits Boneiru ke felisitá e partisipantenan aki un bes mas pa a kompletá e kurso ku èksito i ke deseá nan tur kos bon ku nan karera empresarial.
Durante e programa di 12 siman, lèsnan balioso a keda duná dor di dosentenan Phartuchand Martha i Maideline Hooi-Martijn. Tambe e partisipantenan a risibí diferente tayer serka instruktornan: Jefferson Rosalia, Reinisha Molina, Janou Troeman i Miluska Hansen. Kámara di Komèrsio i Industria Boneiru i ENNIA tambe a duna informashon nan balioso tokante formanan hurídiko i seguronan aplikabel pa empresanan.
Bo mes ta participa na e Small Business Academy?
E programa di ‘Small Business Academy’ ta trata diferente tópikonan tokante emprendementu. Esakinan ta inkluí formulashon di mishon i vishon, un análisis personal, un análisis di merkado, desaroyo di idea di empresario, stratégianan di merkadeo i finansiamentu apropiá. Tambe e partisipantenan a krea nan plan di negoshi i plan finansiero ku ayudo di un ‘e-learning’. Komo tarea final, e kursistanan a presentá nan plan dilanti di un ‘panel’ di ekspertonan konsistiendo di: Qredits, un representante di Entidat Públiko Boneiru i un empresario eksperensiá.
Ku e kurso di ‘Small Business Academy’ Qredits ke stimulá emprendementu na Boneiru i sigurá desaroyo ekonómiko sostenibel. E kurso aki ta establesé e fundeshi pa loke ta konosementu pa kada futuro empresario ku ke prepará su mes pa emprendementu. ‘Esaki ta e komienso, awor ta boso tarea pa sigui atkerí mas konosementu i tuma e stapnan nesesario pa realisá i mantene boso plan. Sigui krese i pusha’, tabata palabranan ku ‘Branch Manager’, Milagros Blanken a kompartí ku e kursistanan i demas personanan presente.
"E ta e komienso, awor ta na bo hende pa sigi haña konosementu i tuma e aksionnan nesesario pa duna forma mas na bo plan di emporesa, realisá e i mantene e vivu. Sigui krese i persevè."
