Dikon guia profeshonal?
Empresarionan ta yuda otro
E inisio di un negoshi trese hopi emoshon i divershon! Pero, naturalmente tin hopi kos pa tene kuenta kune. Pa e motibu aki yudansa òf konseho por ta hopi útil. Na Qredits, bo por risibí guia profeshonal pa yudabo ku e lansamentu di bo negoshi. Esaki por inkluí ayudo ku bo plan di negoshi, finansiamentu, i benta.
Un guia profeshonal por hasi un gran diferensia pa bo komo empresario. Bo no mester enfrentá e retonan bo so. Un guia profeshonal di Qredits ta klá pa sostené bo i yuda bo progresá.
- Guia dor di empresarionan eksperensiá i profeshonalnan
- Sosten ku un plan di negoshi pa 'start-ups'
- Guia empresarial pa empresarionan, dor di empresarionan.
Kiko un programa di guia profeshonal ta enserá?
Haña un guia profeshonal
Qredits ta pone hopi atenshon den e selekshon i kalidat di e 'coach' nan. Nos ta pidi nos 'coach' nan pa krea un perfíl kompleto i klá, pa nos por hasi e mihó kombinashon pa bo.
Traha un sita
Tene un sita introduktorio ku e 'coach' i akordá huntu riba e frekuensia i tipo di momentunan di kontakto, i ken lo tuma e inisiativa. Akordá tambe riba e obhetivo di e proseso di 'coaching'.
E trayekto
Durante e seshon nan di 'coaching', e 'coach' ta asistí bo den logra bo metanan. E programa di 'coaching' ta dura 2 luna i ta inkluí mínimo dos sita. Si bo ke prolongá e programa, por tuma kontakto ku un di nos konseheronan empresarial.
E konklushon
Pa konkluí e proseso, un reunion di evaluashon lo tuma lugá pa evaluá si e obhetivo a keda lográ. Bo eksperensia komo un empresario ku e proseso di 'coaching' tambe lo keda kubrí.
Bo por risibí guia pa lo siguiente komo ‘starter’
- Plan di Negoshi
No tin idea unda pa kuminsá ku e desaroyo di bo plan di negoshi? Un 'coach' lo yuda bo! Huntu boso lo spar tokante bo kompania, bo vishon, konkretisá bo metanan, i traha plan nan pa realisá bo negoshi. E resultado: un bon plan di negoshi.
- Finansa i Atministrashon
Un 'coach' di Qredits lo yuda bo ku bo finansanan i atministrashon. Bo lo siña kon pa pone bo sifranan na òrdu i komprondé nan mihó. Ademas, bo lo risibí asistensia ku planifikashon finansiero, presupuesto, i tambe por spar tokante bo negoshi.
- Merkadeo i Benta
Merkadeo i benta ta esensial pa e éksito di bo negoshi. Huntu ku bo 'coach', boso lo desaroyá un strategia efektivo pa promové i bende bo produkto i servisionan.
- Rekursonan Humano
Bo tin òf bo ta planiá pa kontratá empleado? Un 'coach' por asistí bo ku asuntunan relashoná ku personal i liderasgo. Esaki ta inkluí kontratá personal, krea un ambiente di trabou positivo, hasi evaluashonnan di prestashon, i sosten pa ku desaroyo di empleado.
- Efektividat personal
Niun hende no ta perfekto i tur hende tin nan propio retonan ku nan ta enfrentá. Huntu ku un 'coach', bo ta eksplorá bo puntonan fuerte i oportunidatnan pa desaroyá. Asina bo ta krese komo persona i komo empresario.
- Tuma desishon nan importante
Ser un empresario ya enserá tuma desishon nan i enfrentá retonan kual por ta basta eksistante. Un guia por sostené bo den tumamementu i implementashon di desishon nan importante.
Dikon un guia di Qredits?
E 'coach' nan di Qredits ta (èks) empresarionan i profeshonalnan eksitoso di diferente sektor i organisashon nan. Tur 'coach' tin afinidat ku emprendementu i ta dispuesto pa ofresé nan konosementu i eksperensia boluntariamente pa yudabo ku e asuntonan ku bo no tin respuesta p'e.
Kiko guia profeshonal na Qredits ta enserá?
Guia pa empresarionan, banda di ofresé krédito, ta un parti importante di e servisio di Qredits. Pa medio di nos 'coach' nan boluntario, empresarionan ta risibí atenshon i guia personal pa inkrementá e chèns pa éksito di nan negoshi. Bo mester di guia òf bo ke bira un 'coach' di Qredits? Inskribí awor!
Bo tin difikultat òf pregunta? Nos tei pa asistí bo! Tambe pa konseho tokante fiansa, treinen, òf ‘coaching’. Tuma kontakto ku nos.