Introduction to Entrepreneurship
Yena e formulario di kontakto i inskribí pa e treinen di ‘Introduction to Entrepreneurship’. Dal e promé stapnan den bo trayektoria pa bira un empresario.
Introduction to Entrepreneurship
Inisiá bo trayektoria komo empresario
Introduction to Entrepreneurship
Bira un empresario ta un soño dibo? Òf, emprendementu ta zona algu interesante pabo pero bo ta duda si esaki ta algu ku bo por ehekutá pasó bo no tin sufisiente konosementu? Den e kaso aki e treinen di ’Introduction to Entrepreneurship’ (IoE) ta ideal pabo!
Sera konosí ku emprendementu!
- Bo ta siña kon pa traha un plan di negoshi
- Sera konosí ku konseptonan manera plan finansiero i investigashon di merkado
- Pone e fundeshi pa bo produkto òf servisio
- Deskubrí si emprendementu ta bo pashon
Kiko e programa aki ta enserá?
Durante 4 siman, lo bo siña hopi di loke emprendementu ta kome i bebe, e benefisio i desbentahanan, i lo bo risibí un introdukshon di temanan importante manera plan di negoshi, plan finansiero i investigashon di merkado. E kurso aki, manera e nòmber ‘Introduction to Entrepreneruship’ mes ta indiká, ta un introdukshon pa loke ta emprendementu i alabes un preparashon pa e kurso di ‘Small Business Academy (SBA)’ i/òf otro kursonan avansá tokante emprendementu kaminda partisipantenan lo profundisá nan mes riba e tópikonan aki.
Na final di e programa aki bo tin un base konkreto pa krea bo plan di negoshi i un bon idea di e produkto òf servisio ku bo lo bende. Tambe lo bo sa si ta un empresario ta algu ku enbèrdat bo tin pashon p’e òf si bo mester tòg skohe un otro trayektoria.
Informashon práktiko
- E gastunan di e treinen aki ta $100 (incl. ABB). Ta rekerí pa paga e montante aki promé ku fecha di inisio di e treinen.
- E lèsnan lo tuma lugá riba djamars, djaweps i tin biaha riba djasbra di 18:00 pa 21:00 den siman, i di 9:00 pa 12:00 den wikènt.
- Lokashon: Ofisina di Qredits Boneiru na Kaya Industria 15G.
E materialnan di e kurso ta disponibel na ingles pero e magia ta sosodé na papiamentu durante e lèsnan. E método uniko aki no solamente lo aportá na un manera efektivo na bo konosementu, e ta yudabo komprondé, eksperensiá i visualisá tur kos for di e konteksto di nos kultura i komunidat lokal tambe.
Konosementu previo
Bo mester di konosementu previo? Esaki no ta nesesario. Loke ta importante pa nos ta bo motivashon i disponibilidat. Na momentu ku bo inskribí, nos ta gusta skucha dikon bo kier kuminsá ku e trayektoria aki. Bo 'dikon' ta importante pa nos. Pa por sigui e programa efektivamente, ta importante pa bo tin un kòmpiüter òf lèptòp na bo disponibilidat ku akseso na internet. E ‘e-learning’ ta aksesibel solamente ònlain.
Bo ta kliente di Qredits kaba?
Bo tin pregunta?
Bo ke sa mas tokante e treinen aki? Tuma kontakto ku nos. E tim di Qredits Boneiru ta pará klá pa sirbi bo.