Shablon plan di negoshi
Un shablon di plan di negoshi ta pone bo ideanan riba un liña
Bo tin un bon idea ku bo ke realisá. I awor bo ta bai dal e siguiente stap: bo ta bai inisiá bo propio negoshi! Bo a pensa bon kon bo ke ehekutá e idea aki i bo ke spesifiká esaki riba papel. Komo ‘starter’, e chèns ta grandi ku bo no a skibi un plan di negoshi nunka.
Nos a krea un shablon pa yudabo hasi esaki. Djis kontestá e preguntanan i bo plan ta klá! E shablon ta grátis.
- Kuminsá mesora ku e shablon di plan di negoshi
- Organisá bo ideanan pa bo propio negoshi
- Kontestá tur e preguntanan nesesario pa bo tin un bon plan
- Uza e shablon pa bo partnernan potensial i pa bo apliká pa un fiansa
Kon pa traha un plan di negosi simpel?
Den un plan di negoshi, bo ta deskribí ken bo ta komo empresario i kua produkto òf servisio bo ke bende. Tambe bo ta splika kon bo ta bai trese esaki riba merkado i kon bo lo finansiá bo negoshi. E ehèmpel ta inkluí un shablon útil ku bo por uza. Pues, un plan di negoshi mester inkluí lo siguiente:
- Un deskripshon di abo i bo negoshi
- Un plan di merkadeo
- Un plan finansiero
Den e ehèmpel di plan di negoshi riba nos wèpsait, nos a inkluí varios preguntanan ku por yuda bo splika bo motivashon mihó. E ta inkluí lo siguiente:
- Yena bo personal informashon, i di bo sosionan (potensial) tambe, i eksperensia relevante di trabou den e shablon di plan di negoshi.
- Splika e motivashon di abo i bo sosionan pa kuminsá ku un negoshi propio.
- Analisá bo puntonan fuerte i ménos fuerte, deskubrí bo abilidatnan Empresarial ku bo tin kaba i e puntonan ménos fuerte ku bo por mehorá.
E plan di merkadeo
Den e plan di marketing, bo ta duna mas informashon praktiko riba bo empresa. Bo ta discribi kon bo ke komportá ku e merk i Den e plan di merkadeo, bo ta trese informashon mas práktiko di bo negoshi dilanti. Bo ta indiká kon bo ta bai reakshoná na e merkado i kon bo ta bai logra bo metanan di ingreso (‘omzet’).
Den e shablon di plan di negoshi, nos ta pidi mas informashon tokante bo negoshi. Pensa riba e nòmber di bo kompania, bo number di Kámara di Komèrsio i Industria (si bo tin esaki kaba), bo seguronan, etc.
Esaki ta sigui ku un deskripshon di bo idea, soño, òf plan. Esaki ta e esensia di bo kompnia. Pensa riba e siguiente preguntanan:
- Kiko bo ta bai hasi?
- Dikon bo ke hasi esaki, i dikon bo idea lo ta eksitoso?
- Kon bo ta bai ehekutá esaki?
E-learning
Den e shablon di plan di negoshi, tin varios pregunta ku ta yuda bo yena e plan di merkadeo mas mihó ku ta posibel. Bo mester di mas ayudo? Sigui e ‘e-learning’ skibi un plan di negoshi.
Análisis di SWOT
Den e promé sekshon, bo a hasi un análisis interno di bo mes, i bo a indiká bo puntonan fuerte i débil. Den e sekshon anterior di e plan di merkadeo, bo a hasi un análisis eksterno ku a yuda bo rekonosé e oportunidat i menasanan den e merkado ku bo ta opera aden. Ora bo kombiná tur e elementonan aki, huntu esakinan ta forma un análisis di SWOT. Indiká kon abo, komo un empresario, lo manehá tur e puntonan aki. Bo por hasi uzo di e tabèl den e ehèmpel di plan di negoshi pa esaki!
Obhetivonan
Deskribí e mishon i vishon di bo kompania den e sekshon aki. Kiko bo ke logra, i kiko bo ta para p’e? Den e ehèmpel aki, tin mas pregunta ku por guiabo ku e sekshon aki.
The Marketing Mix
Den e sekshon aki, indiká kon bo ta bai promové bo negoshi òf produkto ku un strategia di merkadeo. Pa esaki, bo ta bai hasi uzo di e ‘marketing mix’ i deskribí e siguiente komponentenan:
- Produkto: Deskribí bo produkto òf servisio ku bo ta bai bende.
- Preis: Indiká e preis di bo produkto òf servisio.
- Lugá i distribushon: Deskribí e lokashon di bo negoshi.
- Promoshon: Splika kon bo ta bai hasi promoshon di bo negoshi na bo grupo meta.
- Personal: Indiká si bo ta bai traha bo so òf si bo lo bai tin personal.
E merkado
Ta importante pa bo konosé e merkado ku bo lo bai sirbi. Den e sekshon aki, deskribí kon e merkado i e industria ta desaroyando. Konsiderá e desaroyonan di e merkado lokal i tambe nashonal i tambe e ‘trend’ nan. Tambe ta importante pa bo proveé un deskripshon di bo grupo meta i nan karakterístikanan . Finalmente, ta importante pa bo identifiká bo konkurensia. Ken nan ta? Kiko nan ta hasi? I kon bo ta bai diferensiá bo mes for di bo kompetensia? Den e ehèmpel di plan di negoshi, nos a inkluí preguntanan ku por guiabo mas leu den e sekshon aki.
E plan finansiero
Un di e elementonan mas importante di e plan di negoshi ta e plan finansiero. E plan aki ta kombertí bo idea empresarial den sifra. Bo ta pensa stap pa stap tokante kada komponente finansiero di e plan di negoshi, manera:
- Presupuesto di invershon
- Presupuesto di finansiamentu
- Presupuesto operashonal
- Presupuesto di likidashon
Nos a desaroyá un shablon ku ta yudabo kompletá un plan finansiero
Ku e shablon di plan di negoshi, bo por strukturá bo plan nan riba papel. E plan ta kontené varios pregunta ku por keda kontestá. Di e forma aki, bo sa sigur ki informashon ta rekerí.
- Un ehèmpel kompletu di un plan di negoshi
- Un ehèmpel di plan di negoshi grátis
- Skibi bo propio plan di negoshi
‘Download’ e plan di negoshi grátis
Bo no ta kedando kla òf bo tin pregunta? Nos tei pa asistí bo! Tambe pa konseho tokante fiansa, treinen, òf ‘coaching’. Tuma kontakto ku nos.