Fiansa di Energia
Un fiansa pa hasi bo empresa mas sostenibel
Kiko ta un Fiansa di Energia?
E Fiansa di Energia ta un fiansa empresarial di máksimo $ 50,000 ku tin komo meta pa hasi bo empresa mas sostenibel i pa baha bo gastunan di energia. Un interes di solamente 2% pa aña ta keda apliká danki na e supsidio di interes di Ministerio di asuntunan Ekonómiko i Klima. Di e forma aki nos ta yuda baha e barera pa sostenibilisá kaminda abo ta baha bo gastunan di energia i redusí e uzo di kombustibel fósil. Bo ta paga un montante mensual na interes i amortisashon ya asina bo sa eksaktamente kiko bo por spera.
Ku e Fiansa di Energia Qredits ke stimulá aktividat i invershon nan sostenibel pa empresanan nobo i eksistente na Boneiru, Sint Eustatius i Saba.
Bo ta un empresario na Boneiru, Saba òf Statia i bo ke hasi bo negoshi mas sostenibel? Apliká pa e Fiansa di Energia dor di klek e siguiente botón.
- Montante: te ku $ 50,000
- Término di e fiansa: 60 luna
- Interes Fiansa di Energia 2% pa aña
- Gastunan di atministrashon di $ 275 te ku $ 825
- Pago: montante fiho mensual pa interes i pago di e fiansa
Lista di chekeo pa bo aplikashon
Promé ku bo apliká pa un Fiansa di Energia, ta importante pa bo tuma bon nota di e dokumento i informashon nan nesesario. E siguiente lista di chekeo ta spesifiká e informashon ku nos ta rekerí durante aplikashon di e Fiansa di Energia.
- Deskripshon di e aktividatnan empresarial i e merkado;
- Kopia di inskripshon na Kámara di Komèrsio i Industria (KVK);
- Presupuesto di invershon ku splikashon;
- Sifranan anual di e último 2 añanan di e ‘accountant’;
- Sifranan interino di e aña aktual (di bo propio atministrashon);
- Presupuesto di ganashi i pèrdidá;
- Kalkulashon di likidashon.
Kiko mi por hasi mas sostenibel den mi kompania?
Uza e Fiansa di Energia pa panelnan solar, depósito di bateria òf mas pa aliviá e ret di koriente i uza energia mas efisientemente.
Hasi invershon den isolashon i lusnan LED.
Uza e Fiansa di Energia pa invertí den èrkonan ku ta spar koriente, ekiponan di kushina, i otro mashin nan. Bo por ahustá bo liña di produkto tambe pa redusí uzo di kombustibel fósil i elektrisidat.
Konsiderá hasi invershon den un òuto eléktriko di kompania òf óuto ku ta uza kombustibel biológiko òf hidrógeno pa redusí uzo di kombustibel fósil.
Bo tin otro plan nan relashoná ku sostenebilidat? Traha un sita ku nos pa huntu nos evaluá si esakinan ta kumpli ku e metanan di e Fiansa di Energia.
Un inisiativa kolektivo
E Fiansa di Energia ta un inisiativa kolektivo di Qredits, e Ministerio di asuntunan Ekonómiko i Klima, e banko ASN i BNP Paribas. E gobièrnu di Hulanda ta supsidiá e porshon mas grandi di e gastunan di interes di kual a hiba na redukshon di e interes na 2% pa aña for di 18 di yüni 2026. Di e forma aki empresarionan na Boneiru, Sint Eustatius i Saba por benefisiá di un fiansa ekonómiko pa bira sostenibel. Esaki ta stimulá aktividatnan sostenibel den empresanan mediano i chikí tantu pa empresarionan nobo i eksistente.
Coaching i treinen
Qredits tei pa bo no solamente pa finansiamenti. Tur persona ku sera un fiansa serka nos por risibí ‘coaching’ i partisipá den nos seshon nan di treinen. Asina aki bo por sigui desaroyá bo mes komo un empresario.Klaridat rápido
Na Qredits, nos ta yuda bo rápidamente! Despues di un sita personal ku un konsehero empresarial, lo bo tende denter di 2 siman si bo por risibí un fiansa. Pero, tur dokumento nesesario mester keda entregá i ta kompletu. 
Bo tin difikultat òf pregunta? Nos tei pa asistí bo! Tambe pa konseho tokante fiansa, treinen, òf ‘coaching’. Tuma kontakto ku nos.