Fiansa Empresarial
Hasi bo metanan empresarial un realidat ku un Fiansa Empresarial
Un Fiansa Empresarial ta enserá lo siguiente
Un Fiansa Empresarial ta un fiansa di máksimo $ 100,000 pa finansiá bo negoshi. E término di un fiansa na Qredits ta entre 1 pa 10 aña, dependé di e fiansa. Durante e término, bo ta paga un montamente fiho mensual di interes i pago di e fiansa.
Bo ke hasi invershon den bo negoshi? Ku un fiansa empresarial di Qredits, komo empresario bo por apliká pa un fiansa te ku $ 100,000. Di e forma aki bo ta ekspandé bo negoshi! Chèk tur e posibilidatnan i lesa kon esaki ta funshoná.
- Montante: te ku $ 100,000
- Término di e fiansa: Entre 1 – 10 aña
- Interes Fiansa Empresarial 9,95%
- Gastunan di atministrashon di $ 275 te ku 1,65% di e prestamentu te ku un maksimum di $1,500 (a base di e montante di e fiansa)
- Pago: montante fiho mensual pa interes i pago di e fiansa
Fiansanan Empresarial na Qredits
Finansiamentu ta nesesario pa e inisio di bo negoshi i/òf kompra di inventario. For di un fiansa pa e sektor agrario pa un mikrokrédito pa ekspanshon di bo negoshi. Nos ta yuda bo ku un fiansa adekuá ku lo finansiá bo plan i negoshi spesífiko.
Kiko ta e stapnan ku mi mester sigui pa por apliká pa un fiansa empresarial?
Dokumentonan nesesario
Pa por evaluá bo petishon di un forma adekuá i rápido, nos ta rekerí sierto dokumentonan. Ta importante pa bo tin e dokumentonan aki disponibel na momentu di hasi bo petishon pa un fiansa.
Pa empresanan nobo (‘startup’):
- Bo plan di negoshi. Aki bo por haña un ehèmpel di un plan di negoshi.
- Un plan finansiero ku ta deliñá e invershon ku bo ke hasi. Aki bo por haña un ehèmpel di un plan finansiero.
Pa empresarionan eksistente:
- Deskripshon di e aktividatnan empresarial i e merkado;
- Kopia di inskripshon na Kámara di Komèrsio i Industria (KvK);
- Presupuesto di invershon ku splikashon;
- Sifranan anual di e último 2 añanan di e ‘accountant’;
- Sifranan interino di e aña aktual (di bo propio atministrashon);
- Presupuesto operashonal;
- Kalkulashon di likidashon.
Aplikashon di un fiansa
Apliká pa un fiansa. Ora nos risibí bo petishon, nos lo pone man na obra!
Evaluashon di bo aplikashon
Nos lo revisá si bo petishon ta kompletu. Si falta algu, bo lo risibí un mensahe di nos.
Si e petishon ta kompletu, un konsehero empresarial di Qredits lo traha un sita personal ku bo.
Sita ku un konsehero empresarial
Durante un sita personal, nos lo kubri bo plan, situashon, i e posibilidatnan den detaye. Tambe nos lo informá bo tokante e siguiente stapnan ku mester keda hasí pa por finalisá e proseso di aplikashon.
Finalisá bo aplikashon
Despues di e sita ku nos konseheronan empresarial, un evaluashon final di bo aplikashon lo keda hasí dor di revisá tur dokumento ku a keda entregá. Finalmente, bo aplikashon lo keda entregá serka nos ‘risk managers’ i bo konsehero lo informá bo tokante e evaluashon final di bo petishon.
No ta importá e tipo di Fiansa Empresarial ku bo sera. Semper ta importante pa bo ta na altura di lo siguiente. Informá bo mes tokante e kondishon nan spesífiko i implikashon nan di bo situashon pa evitá kualke sorpresa. Tene na kuenta:
- Interes
- Términonan, montante di pago, i periodonan di pago
- E montante ku a fia
- Gastunan di e fiansa
- Situashon finansiero personal
Dikon un Fiansa Empresaria di Qredits?
Ku un fiansa empresarial bo ta risibí e sosten finansiero pa por realisá bo plan nan. Serka Qredits, nos tin fiansanan empresarial pa kada situashon. Ku kondishon nan flèksibel ku ta adekuá pa bo nesesidatnan. Tambe tin ‘coach’ i guiadó nan disponibel pa yuda bo.
Nos ta disponibel pa empresarionan ku no por risibíun fiansa for di un banko tradishonal. Nos te ofresé un ret profeshonal i sosten ekstensivo, inkluyendo eventonan pa amplia bo ret profeshonal i treinen. Dal e siguiente stap pa ekspandé i hasi bo negoshi eksitoso ku un fiansa empresarial.
Finansiamentu pa bo negoshi òf invershon ta inisiá ku Qredits!
- Espasio finansiero pa realisá bo metanan: Bo ke kumpra ekiponan nobo, ekspandé bo inventario òf invertí den kampañanan di merkadeo. Un fiansa empresarial ta ofresé bo e sosten ku bo mester den e situashon nan aki.
- Konseho individual i personalisá: Guia personal ku ta enfoká riba bo nesesidatnan komo empresario. Nos ta komprondé ku tur situashon ta otro. Nos ta pensa huntu kubo i ofresé konseho personalisá na bo situashon.
- Coaching i guia: Qredits ta ofresé guia for di e komunidat empresarial. Esakinan ta profeshonalnan ku eksperensia ku ta pará klá pa yuda bo ku bo negoshi. Esaki lo hiba bo negoshi na e siguiente nivel!
Preguntanan tokante aplikashon di un Fiansa Empresarial
Un garantia ta nesesario pa por haña un fiansa?
Nò, den hopi kaso un garantia no ta nesesario pa yega na remarke pa un fiansa serka Qredits. Den sierto situashon por sosedé ku e konsehero di empresa ta konsiderá sinembargo ku esaki ta nesesario.
Mi ta bin na remarke pa un fiansa serka Qredits sin propio aporte (kapital i/òf bien)?
Si, Qredits no ta eksihí un aporte propio pa por bini na remarke pa un krédito. Numa e por mehorá bo situashon. Nos lo ke tene un kombersashon ku bo pa wak si bo ta kualifiká pa un fiansa. Semper nos ta wak e empresario ora ta trata di provishon di un fiansa empresarial.
Un depósito ta rekerí pa por haña un fiansa na Qredits?
Nòrmalmente, Qredits no ta pidi un depósito. A base di e evaluashon di rísiko di e plan di negoshi, Qredits lo pidi e empresario si un persona por para komo garantia pa e fiansa. Si tin un persona ku por para komo garantia, e chèns pa optené e fiansa ta mas haltu.
Ta nesesario pa aportá propio krédito?
Nò, pa definishon esaki no ta nesesario, pero e ta dependé di bo plan di negoshi i presupuesto di invershon. Nos lo evaluá kada petishon individual pa definí si e riesgo nan total ta aseptabel pa suministrá fiansa sin nesesidat di un propio aporte. Aporte di propio kapital en general ta konsiderá un punto positivo ora di evaluá e petishon.
Kon mi ta yega na remarke pa haña un fiansa?
Qredits ta finansiá un máksimo di $ 100,000. Dokumentonan nesesario, ta dependé si ta empresarionan nobo òf empresarionan eksistente. Pa medio di un lista di chekeo nos lo kontrolá si e empresario por bini na remarke pa haña krédito.
Preguntanan frekuentemente hasí pa ‘startups’, sumanan máksimo di fiansa, i opshon nan pa finansiamentu
Un plan di negoshi ta nesesario pa mi por apliká pa un fiansa pa inisiá un negoshi?
Si, ora ta trata di inisiá un negoshi, ta nesesario pa bo tin un bon plan di negoshi pa por evaluá bo petishon. Qredits ta ofresé diferente hèrmènt pa skibi un plan di negoshi. Por ehèmpel, bop or hasi uzo di nos shablon di plan di negoshi grátis Tambe bo por kuminsá ku nos ‘e-learning’ skibi un business plan
Semper bo ta haña un guiadó ora bo sera un fiansa serka Qredits?
Nos ta avisá ‘coaching’ ora bo sera un fiansa. Pues semper tin un coach disponibel. Meta di e ‘coach’ ta pa huntu ku e empresario, krea un éksito di su empresa.
Huntu nos lo wak kiko bo nesesidat nan ta i kon nos por realisá esakinan.
Kon lihé mi por disponé di e fiansa?
Nòrmalmente, denter di 14 dia ku e sita personal ku e konsehero empresarial tuma lugá un ‘update’ lo keda duná tokante e finalisashon di bo aplikashon. E término di e petishon ta dependé riba kon lihé e dokumentonan nesesario keda entregá. Ora esakinan keda aprobá, e kontrakt i dokumentonan adishonal lo keda trahá i mandá. Unabes e akta ta firmá i otro dokumentonan relatá na e kondishon nan menshoná den e kontrakt ta entregá, lo depositá e montante finansiá den maksimo 10 dia di trabou.
Mi por apliká pa un fiansa riba $ 100,000?
Nò, e montante máksimo di krédito ku Qredits ta finansiá ta $ 100,000. Pa e motibu aki nos ta konsehá bo buska finansiamentu pa e montante èkstra (òf mas) promé serka, por ehèmpel, un banko. Tene na kuenta ku alfinal e empresa mester por paga tantu e fiansa pa e montante èkstra komo esun di Qredits pa kubri e otro parti di invershon.
Mi por apliká pa un fiansa serka Qredits den forma di un kuenta koriente?
Nò, Qredits ta suministrá solamente fiansa komersial te ku $ 100,000.
Kon Qredits ta atendé ku finansiamentu kombiná?
Den kaso di un finansiamentu kombiná, e parti ku banko ta finansiá mester ta aprobá i e kondishon nan relatá na esaki mester ta konosi promé. Seguidamente, bo por hasi un petishon di krédito na Qredits. E finansiamentu bankario ariba menshoná, no por ta di un suma mas haltu ku $ 100,000.
Bo tin pregunta? Nos tei pa asistí bo! Tambe pa konseho tokante fiansa, treinen, òf ‘coaching’. Tuma kontakto ku nos.