Ora bo inisiá un negoshi òf apliká pa un fiansa, tin hopi kos ku bo mester tene kuenta kune. Pa yudabo tin mas mihó posibel, Qredits a krea diferente shablon i hèrmènt nan. E shablon i hèrmènt nan aki ta grátis i fásil pa uza. Dor di simplemente kontestá preguntanan, bo lo tin un plan di negoshi i plan finansiero kompletu.
Shablon i hèrmènt nan pa un bon preparashon pa bo negoshi!
Si bo ke inisiá un negoshi, ta bon pa bo krea un plan di negoshi i plan finansiero promé. Esaki no ta solamente pa bo hasi un aplikashon di fiansa, pero tambe pa bo mes. Pa yuda bo ku esaki, Qredits ta ofresé ehèmpelnan di plan di negoshi i plan finansiero. Di e forma aki, bo tin e plan nan aki klá rápidamente.
Tin e chèns ku e shablon no ta sufisiente òf bo mester di yudansa adishonal. Den e kaso aki bo por hasi uzo di un di nos ‘e-learning’ nan. E ‘e-learning’ nan aki ta kursonan ònlain i grátis ku bo por traha riba dje na e tempu ku ta kuminí abo. Durante e ‘e-learning’, bo ta pone bo ideanan riba papel dor di kontestá un seri di pregunta. Tambe bo ta risibí vários tepnan durante e ‘e-learning. Di e forma aki, bo por praktiká bo konosementu mesora.
Qredits tin tres shablon di plan di negoshi pa yudabo dal e promé stap. ‘Download’ e plan nan i pone bo ideanan riba papel.
‘E-learning’ ta kursonan ònlain grátis ku ta sostené e desaroyo di hopi plan nan.
Bo no por sali afó òf bo tin pregunta? Nos tei pa asistí bo! Tambe pa konseho tokante fiansa, treinen, òf ‘coaching’. Tuma kontakto ku nos.
