Sosio empresarial i fiadó konfiabel
Fiansanan empresarial, ‘coaching’, i treinen di Qredits
Nos ta Qredits
E partner empresarial pa empresarionan den empresanan chikí i mediano. Un kreditor di konfiansa ku un pakete kompletu i úniko di fiansa, guia, treinen, i programanan edukativo. Nos tei pa empresarionan potensial i empresarionan ku ke sigui desaroyá nan mes. Emprendementu ta inisiá ku Qredits!
Nos ta kere ku tur empresario (potensial) por sigui desaroyá nan mes ku e guia korekto.
Nos mishon
Qredits ta ofresé mikrokrédito i 'coaching' na tur empresario (potensial) na Boneiru ku no tin akseso na vários servisionan (finansiero). Esaki ta pèrmití e empresarionan pa logra independensia ekonómiko, finansiero, i sosial. Ku esaki, Qredits ke stimulá emprendementu na Boneiru i ta logra esaki dor di ofresé un kombinashon di hèrmèntnan di sosten, 'coaching', i fiansanan na empresarionan (potensial). Qredits su meta ta pa:
Stimulá e kreashon di negoshinan nobo.
Yuda empresarionan (nobo) pa tuma desishon nan informá tokante emprendementu.
Ofresé empresarionan (nobo) mas oportunidat oa start i sostené nan empresa.
Duna empresarionan (nobo) e posibilidat pa logra independensia finansiero i ekonómiko.
Sirbi komo un brùg pa empresarionan (nobo) ku ke un transishon pa e sektor finansiero regular.
- Konektá
Qredits ta kere ku kolaborashon ta resultá den éksito. Nos ta invertí den un ret interaktivo di kompanianan, organisashon nan di komunidat, i boluntarionan. Nos ta enkurashá nos klientenan pa krea nan propio ret i tambe fasilitá konekshon nan entre e empresarionan i nos sosionan empresarial.
- Personal
Na Qredits, e enfoke ta riba e empresario i su plan di negoshi. Nos ta bishitá e kliente i huntu nos ta revisá su plan i oportunidatanan. Nos ta personalmente involukrá, den kontakto i ta flèksibel.
- Sosial
Qredits ke kontribuí na komunidat. Nos propósito ta pa stimulá emprendementu, no maksimalisá ganashi pa nos organisashon. Qredits ke yuda hende realisá nan soño i, si ta nesesario, duna nan un segundo oportunidat.
- Profeshonal
Qredits su enfoke ta riba empresarionan ku tin un plan di negoshi sólido òf ku ta trahando riba unu. Nos ta realista i profesonal. Nos servisio ta pa orientá tokante emprendementu sostenibel. Nos mes tin un 'business model' viabel, ku ta keda fortalesé pa medio di e éksito di nos klientenan.
Ken por benefisiá di Qredits?
Qredits ta pa tur empresarionanan nobo i eksistente. Ku finansiamentu, 'coaching' i treinen di Qredits, empresarionan por kuminsá òf sigui desaroyá nan negoshi. Qredits ta brinda sosten pa empresarionan dor di evaluá kada situashon di un manera personal i sosial, ofresiendo solushonnan adaptá i pensa huntu ku nan di un manera genuino. Ademas, nos ta yudabo pone bo plan nan riba papel, sea ta un plan di negoshi òf un plan finansiero.
Qredits den Karibe
Aparte di Hulanda, Qredits ta aktivo den Karibe tambe. For di 2015, nos a kuminsá operá na Boneiru, siguí pa Aruba i St. Maarten (kaminda nos ta sirbi Saba i St. Eustatius tambe). Den 2018, nos a ekspandé pa Kòrsou. Den Karibe, nos ta oferé finansiamentu, treinen, 'coaching', i programanan edukativo. Di e forma aki, nos ta stimulá emprendementu i hasié aksesibel pa tur empresario.
Impakto den Karibe
E skala chikí di e islanan ta hasi ku nos ofisina tin un nivel haltu di rekonosimentu i ku nos impakto ta signifikante. Esaki ta duna nos e oportunidat pa traha ku gobièrnu lokal riba tur isla pa stimulá kresementu i inovashon den emprendementu. Pa ehèmpel, ku e introdukshon di proyektonan agrario na Boneiru i Aruba, e ekspanshon grandi di 'BeYourOwnBoss' na skolnan na Boneiru i Kòrsou, i e kreashon di 6 'Small Business Academies' na St. Maarten.
Nos partnernan
Nos no ta solamente yuda empresarionan. Huntu ku nos diferentenan sosionan, nos ta sigurá ku kada empresario nobo risibí e mihó asistensia. Kurioso tokante ken nos sosionan ta òf bo mes ke bira un sosio di Qredits?
Tim Boneiru
Nos tim ta yudabo progresá. Ku konosementu i pashon pa asistí empresarionan, nos ta sigurá ku kada empresario ta risibí e mihó yudansa i oportunidatnan. Bo ta kurioso tokante ken ta forma parti di nos tim?
Traha na Qredits
Bo tin pashon pa empresarionan? E ora ei nos ta buskando bo! Traha na Qredits ta traha riba nos mishon komún: stimulá emprendementu.
Nos ta hasi un kontribishon sosial i ta marka un diferensia pa empresarionan. Bin traha na Qredits!
Bo tin difikultat òf pregunta? Nos tei pa asistí bo! Tambe pa konseho tokante fiansa, treinen, òf ‘coaching’. Tuma kontakto ku nos.