Inskribí bo mes pa BeYourOwnBoss
Bo ke sa mas tokante e posibilidatnan na bo skol? Tuma kontakto ku nos òf pidi un demo.
BeYourOwnBoss
Programa edukashonal pa studiantenan empresarial
BeYourOwnBoss
E programa edukativo di BeYourOwnBoss a keda desaroyá pa Qredits ku enfoke riba studiantenan emprendedó. Ku e ‘e-learning’ i e ‘app’, e ta un programa kompletu ku ta adaptá na e eksperensia di e hoben nan. Banda di e programa nos ta yuda studiante nan deskubrí nan kalidatnan empresarial. E programa edukativo di ‘BeYourOwnBoss’, no ta kobertí tur studiante den un empresario, pero si ta hasi nan mas emprendedó!
- Programa edukativo pa studiantenan emprendedó
- Studiantenan ta siña traha ku e ‘Business Model Canvas’
- Studiantenan ta siña kombertí nan ideanan den ‘business models’
- Risibí akseso na e ‘e-learning’
Duna hóben nan e hèrmentnan i konosementu pa realisá nan ideanan!
Pa e studiante
E programa edukativo di BeYourOwnBoss ta fásil pa integrá den e lèsnan di bo skol. E programa ta enfoká riba e ‘Business Model Canvas (BMC)’. Den sinku stap bo ta konstruí bo portfolio empresarial i bo BMC. E BMC ta siña bo tur loke bo mester sa tokante un empresa. Hopi útil si den futuro bo mester ehekutá bo propio ideanan. Bo ta dediká un total di 200 ora (180 dia) pa por kompletá e programa. Pa sigui e programa, bo ta haña un buki di materia i akseso na e ‘e-learning’ i e aplikashon. Bo lo risibí un sertifikado ora bo kompletá e programa.
Siña studiantenan kon pa emprendé!
Pa e dosente
Komo dosente, bo ta haña un ‘e-learning’ adishonal ku yama: ‘de docentenomgeving’. Un ‘e-learning’ separá ku konseho i trukonan tokante kon pa splika e programa di BeYourOwnBoss. Promé, bo ta risibí un introdukshon di e programa den e ‘docentenomgeving’. Naturalmente komo dosente, bo ta deseá di sa kiko bo studiantenan ta hasiendo na e momentu ei. Ku e ‘docentenomgeving’ bo por sigui e progreso di e studiantenan i ehekutá informenan online. Te ahinda bo tin pregunta tokante e programa? Bo por tuma kontakto libremente ku nos servisio di asistensia di BeYourOwnBoss na qreditsacademybonaire@qredits.nl. E programa di BeYourOwnBoss ta kosta $27,50 pa kada studiante. I e ‘docentenomgeving’ ta grátis.
Dikon BeYourOwnBoss?
- Klá: E programa tin un struktura komprendibel, tantu pa e dosente komo e studiante. E komponentenan teorítikonan tin un struktura lógika i e ‘e-learning’ ta bira transparente tantu pa e dosente komo e studiante.
- Ku un propósito: Na final di e programa edukativo di BeYourOwnBoss, tur studiante a pensa tokante nan propio negoshi. Tambe nan sa kiko esaki ta impliká i nan a desaroyá un portfolio empresarial i un ‘Business Model Canvas’.
- Úniko: E plan nan realisá lo keda usá den praktiká i e kreatividat di e futuro emprendedó nan lo keda abordá durante e “pitch”. Durante e tareanan praktiká e studiantenan ta progresá ku un aktitut di emprendedó.
- Emprendé: Despues di nan ‘pitch’, e studiantenan talentoso ta un paso mas aserka di bira un empresario di bèrdat. Nan por kontinuá ku Qredits su ‘e-learning’ ‘ondernemingsplan schrijven’ i despues apliká pa un fiansa.
Bo ta kliente di Qredits kaba?
Bo tin pregunta òf mester di asistensia?
Bo tin difikultat òf pregunta? Nos tei pa asistí bo! Tambe pa konseho tokante fiansa, treinen, òf ‘coaching’. Tuma kontakto ku nos.