Proseso di aplikashon te ku pago
Transparensia den e proseso di bo finansiamentu
Aplikashon di fiansa i pago that fásil i lihé na Qredits. Chèk e proseso kompleto di aplikashon pa pago akibou. Interes i términonan máksimo por varia a base di e tipo di fiansa. Nos lo yuda bo haña e fiansa ku ta mas kuminiente pa bo. Bo ke sa mas tokante nos diferente fiansanan òf apliká pa un fiansa?
- Solisitut di informashon
- Chèk bo aplikashon
- Sita personal
- Evaluashon di aplikashon
E inisio òf siguiente stapnan di bo empresa ta kuminsá ku Qredits!
Asina aki e ta funshoná: di aplikashon te ku pago di e fiansa
Dokumentonan nesesario
Pa por evaluá bo petishon di un forma adekuá i rápido, nos ta rekerí sierto dokumentonan. Ta importante pa bo tin e dokumentonan aki disponibel na momentu di hasi bo petishon pa un fiansa.
Pa empresanan nobo (‘startup’):
- Bo plan di negoshi. Aki bo por haña un ehèmpel di un plan di negoshi.
- Un plan finansiero ku ta deliñá e invershon ku bo ke hasi. Aki bo por haña un ehèmpel di un plan finansiero.
Pa empresarionan eksistente:
- Deskripshon di e aktividatnan empresarial i e merkado;
- Kopia di inskripshon na Kámara di Komèrsio i Industria (KvK);
- Presupuesto di invershon ku splikashon;
- Sifranan anual di e último 2 añanan di e ‘accountant’;
- Sifranan interino di e aña aktual (di bo propio atministrashon);
- Presupuesto operashonal;
- Kalkulashon di likidashon.
Aplikashon di un fiansa
Apliká pa un fiansa. Ora nos risibí bo petishon, nos lo pone man na obra!
Evaluashon di bo aplikashon
Nos lo revisá si bo petishon ta kompletu. Si falta algu, bo lo risibí un mensahe di nos.
Si e petishon ta kompletu, un konsehero empresarial di Qredits lo traha un sita personal ku bo.
Sita ku un konsehero empresarial
Durante un sita personal, nos lo kubri bo plan, situashon, i e posibilidatnan den detaye. Tambe nos lo informá bo tokante e siguiente stapnan ku mester keda hasí pa por finalisá e proseso di aplikashon.
Finalisá bo aplikashon
Despues di e sita ku nos konseheronan empresarial, un evaluashon final di bo aplikashon lo keda hasí dor di revisá tur dokumento ku a keda entregá. Finalmente, bo aplikashon lo keda entregá serka nos ‘risk managers’ i bo konsehero lo informá bo tokante e evaluashon final di bo petishon.
Tur hende por eksperensiá desafío. Bo no por kumpli ku bo pago mensual? Òf bo negoshi no ta bayendo bon finansieramente? Papia ku nos. Huntu nos por haña un solushon. Por ehèmpel, nos por referí bo na un ‘coach’ di Qredits. Nos tei pa sostené bo, tambe ora e situashon no ta kana segun plan. Esaki nos ta yama Maneho Sosial.
Preguntanan frekuentemente hasí tokate pago di e fiansa
E término máksimo di un fiansa ta 10 aña (esaki por varia a base di e fiansa). Qredits ta rekomendá pa mantene e término mas kòrtiku posibel. Nos konsehero empresarial lo evaluá esaki den detaye ku bo.
Despues di e promé aña di amortisashon (desde e di 2 aña), por amortisá un montante èkstra pa aña. Si e montante aki ta igual na 10% di e suma finansiá, nos lo no kobra but. Amortisashon èkstra ku ta surpasá e 10% menshoná anteriormente òf amortisashon di e saldo na un ekis momento den un solo biaha tambe ta posibel bou di kondishon. E kondishonnan mará na esaki ta pará den paragraf 6 di ‘Algemene Kredietvoorwaarden Microkrediet’.
Ta stipulá e término di amortisashon a base di bo situashon personal. Pues esaki ta un asuntu di kalkulashon na midí. Generalmente e término di amortisashon ta igual na e bida ekonómiko di e aktivo.
Pago di amortisashon di un Mikrokrédito èkstra òf den un tiru denter di e promé aña ta posibel bou di kondishon. E kondishonnan mará na esaki ta den paragraf 6 di e ‘Algemene Kredietvoorwaarden Microkrediet’.
Bo por hasi pago òòlain riba e number di kuenta di Qredits na MCB Boneiru:
Number di kuenta: 410.479.10
Referensia: kòrda semper menshoná e number di fiansa!
Por hasi pago tambe via swaip mashín ku bankomátiko (no ta aseptá tarheta di krédito) na nos ofisina.
Kursonan di treinen
Qredits ta organisá vários programanan di treinen. Esakinan ta enserá programanan edukativo, lèsnan virtual, i kursonan riba diferente tópikonan interesante. Un empresa eksitoso ta kuminsá ku desaroyo di konosementu.
Qredits ‘coaching’
Tur persona ku a sera un fiansa na Qredits por risibí ‘coaching’ grátis. E ‘coach’ ta sostené bo ku retonan òf abilidatnan edukativo. Nos ‘coach’ nan ta empresarionan eksperensiá òf profeshonalnan den diferente área. Nan ta pará klá pa yuda bo!
Bo tin difikultat òf pregunta? Nos tei pa asistí bo! Tambe pa konseho tokante fiansa, treinen, òf ‘coaching’. Tuma kontakto ku nos.