Small Business Academy
Kombertí bo ideanan den un plan di negoshi
Bo ke habri bo propio negoshi? Bo tin hopi idea pero bo no sa unda pa kuminsá? Deskubrí kon bo por hasi bo vishon bira realidat ku 'Small Business Academy'! Huntu nos lo transformá bo ideanan den un plan di negoshi konkreto.
Dal e promé stap pa bo negoshi ku e ‘Small Business Academy’!
- Bo ta skibi un plan di negoshi i siña kon pa ‘pitch’ esaki
- Bo ta klá pa emprendementu
- Risibí un sertifikado despues di a partisipá
- Un programa dinámiko ku lèsnan interaktivo
Lo siguiente ta lokenan bo ta siña durante e programa
Dal e stap den e mundu di emprendementu. Huntu ku un grupo dinámiko ku otro studiantenan, denter di 8 siman bo lo deskubrí bo potenshal komo empresario i transformá bo ideanan den un plan di negoshi profeshonal.
Despues di a sigui ‘Small Business Academy’:
- Bo a skibi bo plan di negoshi i por hasi un ‘pitch’ tokante esaki.
- Bo por tuma e siguiente paso komo empresario.
- Bo a krea un ‘netwerk’ ku otro partisipantenan.
- Bo por apliká pa finansiamentu na Qredits.
Nos materialnan di lès ta disponbibel na Inglés òf Hulandes, pero tur lès lo keda presentá na Papiamentu. E enfoke úniko aki lo garantisá ku no solamente bo ta atkerí e konosementu, sino tambe bo ta eksperensiá esaki den konteksto di nos kultura i komunidat lokal.
Na Qredits nos ta lansa bo metanan empresarial ku nos programa eksklusivo di ‘Small Business Academy’. Nos meta? Pa ekipá bo ku tur loke bo mester pa ta un empresario eksitoso. Ku e kurso aki bo ta kristalisá bo plan, perfekshoná bo abilidatnan di efektividat persona, krea bo analísis di ‘SWOT’, investigashon di merkado, strategia di medianan social, i evaluashon di bo opshon nan di finansiamentu. Tur seshon lo keda presentá dor di un eksperto ya bo ta siña di e mihó den e área.
Pa por sigui e kurso di ‘Small Business Academy’ ta rekerí pa bo tin konosementu básiko di tópikonan empresarial. Entre otro, ta rekerí pa bo tin un idea konkreto di e produkto òf servisio ku bo ke trese riba merkado.
Na Qredits, nos ta ofresé un kurso introduktorio tokante emprendementu yamá ‘Introduction to Entrepreneurship’. E kurso aki ta dunabo e konosementu básiko ku bo mester pa profundisá bo mes riba e tópikonan empresarial den e kurso di ‘Small Business Academy’.
Pa por sigui e programa na un manera efektivo ta importante pa bo tin un kòmpiüter òf lèptòp na bo disposishon i akseso na internèt. E 'e-learning' por keda aksesá solamente ònlain! Pa ahustá òf kaba di rafiná bo plan di negoshi i plan finansiero, i eventualmente prepará bo presentashon final bo mester di kòmpiüter of lèptòp menshoná. Uzo di 'smartphone' pa e propósitonan ariba menshoná no ta rekomendabel.Naturalmente, pa e mihó eksperensia i resultadonan, nos ta haña importante pa bo tei presente na mas tantu lès ku ta posibel. Huntu nos lo realisá bo meta empresarial.
Bo tin difikultat òf pregunta? Nos tei pa asistí bo! Tambe pa konseho tokante fiansa, treinen, òf ‘coaching’. Tuma kontakto ku nos.