Sjaika Gonzáles a risibí yudansa pa su kuido di mucha
Awe mahinta a suministrá e di 50 fiansa di Qredits Boneiru na Sjaika Gonzáles. Danki na e fiansa di Qredits, Sjaika por realisá su ambishon di tin su mes empresa ‘Twinkel Naschoolse opvang en huiswerkbegeleiding’. Qredits Boneiru a establesé fin di aña 2015: Empresarionan ku ta kuminsá i negoshinan eksistente por aserka Qredits pa un fiansa mikro te ku $50.000.
Awe mahinta na bestürskantor gezaghebber señor Edison Rijna a entregá un chèk simbóliko na empresario Sjaika. Sjaika ta un empresario lokal ku hopi aña a traha den enseñansa. Awe, el a realisa su soño dor di lanta su mes ‘naschoolse opvang en huiswerkbegeleiding’.
Qredits Boneiru tin e meta pa sostené empresarionan pa start nan negoshi eksitosamente òf inbertí den nan empresa, dor di ofresé entre otro fiansanan mikro, na Boneiru awor te ku un suma di $50.000, coaching personal, i medionan pa desaroya bo mes i bo empresa. Qredits a establesé fin di 2015 na Boneiru, ku su ofisina na Kamara di Komersio, awor na Kaya Amsterdam 23, Kralendijk. Entretantu a risibí 70 aplikashon pa fiansa mikro, di empresarionan lokal. Aktualmente tin 55 negoshi ku a risibi un fiansa mikro i tambe tin hopi petishon ainda den proseso.
Kere bo si kredíto empresarial ta algu pa bo?
Banda di fiansa mikro, Qredits ta ofresé diferente hèrmènt ‘online’ ku personanan ku ke kuminsá un negoshi por uza pa skirbi nan mes plan di negoshi. Esakinan ta entre otro e ‘E-learning’ (kurso online, na Papiamentu, Hulandes òf Spaño) pa siña skirbi bo plan di negoshi, òf e kurso di anochi di Eigenbaas na Forma. Ademas, Qredits ta bai ofresé pa yuda empresarionan ku un coach boluntario, for di un tim di coachnan lokal ku ta bai forma.
E meta nan di 2017/2018 ta pa suministrá mas o menos 100 krédito mikro di $ 50.000,-, guia mas ku 200 empresario aspirante pa lanta nan propio negoshi, i tambe ofresé e programa ‘Ik word Eigenbaas’ na 250 studiante.
Nostroso pa e programa BeYourOwnBoss?
