E montante máksimo pa un fiansa a keda inkrementá pa $50.000
Empresarionan nobo i eksistente por apliká pa un Mikrokrédito te ku $50,000 for di 1 di yanüari 2017 na Qredits. Ku e oumento aki, Qredits ta logra finansiá aún mas empresarionan (nobo) i stimulá emprendementu na Boneiru. Qredits a tuma e desishon pa inkrementá e montante di e Mikrokrédito na Boneiru di $25,000 pa $50,000.
E demanda pa Mikrokrédito a krese konsiderabelmente durante e último aña. Den práktika, Qredits a nota ku hopi aplikashon pa finansiamentu no por a keda prosesá pasobra e kantidat di krédito pidí tabata mas haltu ku e montante máksimo anterior di $25,000.
Tin un nesesidat kresiente pa finansiá montante di krédito mas haltu via Qredits. Danki na e oumento di krédito, Qredits por sigui ofresé mayor sosten na emprendementu na Boneiru.
Qredits ta operá un brènch na Boneiru for di su apertura den 2015, situá na Kaya Amsterdam 23, Kralendijk. Te ku awor, más ku 65 aplikashon di krédito a keda entregá na Qredits. Na e momentu aki, más di 20 negoshinan a keda finansiá ku un Mikrokrédito, i tin vários aplikashon ku aún mester keda prosesá.
Aparte di Mikrokrédito, Qredits ta duna sosten na futuro empresarionan ku e skibimentu di nan plan di negoshi. Esaki por keda realisá dor di e 'e-learning' Skibi un Plan di Negoshi (disponibel den tres idioma) òf dor di partisipá den e skol di anochi di BeYourOwnBoss. Finalmente, Qredits ta oferé 'coaching' na empresarionan via su ret di coaching dediká.
