Conmi Qredits a yuda empresario
Kralendijk 22 di febrüari 2021 - Den augustus 2020 Qredits a selebrá 5 aña di eksistensia na Boneiru. Mirando bèk e resultadonan di e último 5 aña nan, por konkluí ku e instansia finansiero sosial tabatin un aporte hopi grandi na e ekonomia i sektor empresarial di Boneiru. Esaki no solamente danki na e kréditonan otorgá, pero tambe coaching, “E-learning” i otro programa nan edukativo. Den 2021, Qredits tin komo meta pa sigui duna aporte na e rekuperashon di empresanan chikí i mediano pa medio di krédito, coaching i tayernan.
Den e ultimo 5 añanan nos a mira un oumento kontinuo den e kantidat di aplikashonan. Apesar di e krisis di corona den 2020, tabatin un total di 227 aplikashon nobo, kual ta un oumento di 49% kompará ku aña 2019. Nos observashon ta ku e empresarionan ta interesá den entre otro fondonan di likides pa sobrebibí e krisis di corona. Banda di esaki tin un grupo di empresario ku ta mira oportunidatnan empresarial i mester di yudansa finansiero pa ku nan start-up.
Por mira un oumento fuerte den e kantidat di fiansanan honrá den e prome tres añanan; esaki a keda relativamente stabil den e añanan ku a sigui. For di nos análisis por konkluí ku tin un nesesidat hopi grandi pa oportunidat di desaroyo komo empresario. Konsientisashon tokante hasi negoshi na Boneiru, kon pa diskubrí ideanan impresarial inovativo i kon pa negoshá ku un mira pa futuro tambe ta di sumo importansia. Un otro faktor krítiko importante pa empresarionan ta atministrashon aktualisá di sifranan finansiero.
Bo por mester di un poko di yudansa ku bo administrashon? Nos ta aki pa bo!
Den 2020 tambe nos a eksperensiá un krisis mundial i su efektonan riba Boneiru. Durante di e promé toke de keda na mart 2020 Qredits tabata e promé instansia ku a ofresé un dispensashon di amortisashon na su klientenan. Mas òf menos 80% di nos klientenan aki na Boneiru a hasi uzo di e dispensashon di 6 luna aki kontra un interes di 2%. E periodo di grasia aki a keda prolongá ku 6 luna mas den augùstùs 2020.
Un krédito transitorio (“overbruggingskrediet”) pa yuda empresarionan eksistene sobrebibí e krisis di corona a keda introdusí den mèi 2020. E krédito ta mará na un periodo di maksimal 48 luna i durante e promé 6 lunanan e empresario no mester paga amortisashon di e fiansa. E empresario ta paga 2% di interes riba e montante di krédito durante di e promé aña i despues di e periodo aki un interes di 6.75% lo keda apliká. Un aspekto importante tambe ta ku e empresario por likidá e fiansa na kualke momentu i sin paga but. 30% di fiansanan ku a keda honrá na 2020 ta “overbruggingskrediet”.
Pa motibu di e pandemia, nos no por a selebrá nos promé lustro aki na Boneiru den gran forma huntu ku nos klientenan. Pa e motibu aki nos a skohe pa selebrá ku nos klientenan via di nos plataforma online. Por ehèmpel, poniendo nan den spotlight riba nos páginan di Facebook den e kampaña di “Kumpra Lokal”. Nos lo sigui selebrá nos promé lustro na Boneiru te ku augùstùs 2021!
Nos ta konosí pa nos krédito, pero nos ta ofresé mas ku esaki. Banda di krédito, nos klientenan por sigui un trayekto di coaching grátis. Empresarionan potensial por konkretisá nan idea nan pa medio di nos programa di “E-learning” ku ta aksesibel na 3 diferente idioma, e programa di Skol di Empresario ku ta keda ehekutá pa Fundashon Forma i tambe e shablòn di plan di negoshi i plan finansiero ku ta aksesibel pa medio di nos website. Tambe nos ta aportá na otro inisiativanan enfoká riba desaroyo personal di e empresario.
Nos ta gustá trahá huntu ku otro inisiativa ku ta enfoká riba desaroyo personal di e empresario.
E rekuperashon di empresa chikí i mediano ta pará sentral den 2021 i Qredits ke duna su máximo aporte na esaki. Esaki lo sosodé pa medio di finansiamentu na midí en kombinashon ku konsehonan relevante. Nos lo mester sigui tene kuenta ku e efektonan di e krisis di corona ahinda lo ta presente den 2021. E “overbruggingskrediet” aktual lo keda disponibel pa empresarionan ku a bira operashonal promé ku mart 2019. Den mart 2021, e instansia finansiero sosial lo introdusí un krédito transitorio pa empresarionan ku a bira operashonal promé ku yüni 2020. Esakinan sin lubidá Qredits su mirkokrédito di un máksimo di $50,000 na 9.75% ku empresarionan por uza pa finansiá kresementu òf inisio di nan negoshi.
Sabe kuale opshon di finansia ku ta disponibel pa bo empresa?
Apoyo na empresarionan pa medio di programanan edukashonal i tayernan tambe lo ta hopi importante den 2021. E siguiente programa i akividatnan, entro otro, lo keda ehekutá:
Sigui nos página di Facebook, Qredits Bonaire, pa bo keda na altura di e evento i aktividatnan ariba menshoná.
