Ytala Seket tabata e promé partisipante den 2017
“Mi no a skohe e profesion aki, e a skohe mi,” Ytala Seket, empresario Boneriano, ta bisa, mihó konosí komo ‘Miss Ytala’ pa e muchanan. Pa hopi aña, el a soña ku su propio krèsh i awe el a bira e doño di Hòfi di Eden (Garden of Eden). Aunke el a soña ku esaki durante hopi tempu, e paso pa emprendementu no tabata fásil. Kiko a yud'e ku un komienso sólido? E skol anochi di BeYourOwnBoss a duna Miss Ytala presisamente loke el a nesesitá pa logra su soño.
Emprendementu no tabata algu nobo pa Ytala, pasobra su tata ya tabata un empresario. Pero e mes no tabata tin eksperensia den maneho di su propio negoshi. Pa un komienso bon prepará, el a desidí inskribí su mes den e skol anochi di BeYourOwnBoss. E treinen aki a keda desaroyá dor di Qredits i ta keda ofresé na Boneiru den kolaborashon ku e sentro di edukashon Forma. Un treinen desafiante, prátiko, pero riba tur kos, sumamente edukativo. Na fin di e trayekto, e partisipantenan, manera Ytala, ta presentá nan plan di negoshi ku konfiansa.
Pa Ytala, emprendementu ta hopi mas ku solamente generá plaka. "Ta bo kontribushon na bo komunidat, kada un den su manera." Danki na Qredits, el a logra realisá su soño.
Abo tambe ta partisipando den e treinen di BeYourOwnBoss?
Ku su plan di negoshi den su man, Ytala tabata kla pa e siguiente paso: apliká pa krédito. Danki na e finansiamentu di Qredits, el a logra kumpra, entre otro, un òuto, un nesesidat grandi pa su trabou di dia na su krèsh. “Qredits a guia mi dor di tur esnan nobo. Nan tin pasenshi i semper nan tei pa mi.”
Nicole Senchi-Sordjo, konsehero empresarial na Qredits, ta bisa: “E plan nan di Ytala a mustra pashon, perseveransia i ambishon."
