Un préstamo pa supera e pandemia di korona
Kralendijk, 25 di mei 2020 – Qredits ta ofresé empresarionan finansiamentu pa sobreviví durante e krísis ekonomiko aktual. For di awe empresarionan chikitu i mediano por apliká pa e kredito transitorio yamá ‘corona-overbruggingskrediet’. Esaki ta enserá un finansiamentu den e forma di un microkrédito di maksimal $ 25,000.- ku un interes di 2% den e promé aña.
Di e manera aki Qredits ta ofresé un solushon pa empresarionan buskando fondonan di likides pa por sobreviví e temporada di krísis. 'Asta awor ku e medidanan pa kontené e corona vírùs a keda aliviá, empresarionan ta sigui sinti e sla kousá dor di e krísis aki. E fasilidat di krédito benefisioso aki tei pa yuda kubri e gastunan i otro debernan finansiero di e empresa durante e krísis. Asina aki nos por sostené míles di empresario chikí i mediano pa nan por sobreviví durante e krísis di Corona.' Segun Elwin Groenevelt, direktor di Qredits Microfinanciering Nederland.
E krédito transitorio ta pa empresarionan eksistente. E krédito ta mará na un periodo di maksimal 48 luna i durante e promé 6 lunanan e empresario no mester pagá amortisashon di e fiansa. E periodo di grasia aki por keda ekstendé ku 6 luna mas den kaso ku esaki ta nesesario. E empresario ta paga 2% di interes riba e montante di krédito durante di e promé aña i despues di e periodo aki un interes di 6.75% lo keda apliká. Un aspekto importante tambe ta ku e empresario por likidá e fiansa na kualke momentu i sin paga but. Dor ku e kredito aki tin un karakter transitorio i ta relashoná ku e vírùs di Corona, e ‘corona-overbruggingskrediet’ no ta adekuá pa empresanan nobo. Qredits ta gradisí gobièrnu di Boneiru pa e sosten ofresé. Danki na esaki empresarionan ku no ta kliente di Qredits tambe por apliká pa e krédito transitorio di Qredits Bonaire. Den e temporada di krísis aki tambe empresarionan ku un idea inovativo, realisabel i duradero por apliká pa un Microkrédito serka Qredits.
Den luna di mart Minister Wiebes a anunsiá durante un konferensia di prensa na Hulanda ku Qredits, ku e sosten di e Ministerio di Ekonomia i Klima, lo ofresé un areglo pa yuda su klientenan. Tur empresario ku un fiansa di Qredits por a apliká pa yega na remarke pa un periodo di grasia di 6 luna durante kual e kliente ta paga solamente 2% di interes. Asina aki e kliente no mester amortisá su fiansa temporalmente i e ta risibí un redukshon supstansial den e gastunan di interes ku e mester keda paga. Ku esaki e empresario ta risibí un sosten grandi pa tene kabes riba awa. Entretantu mas ku 55% di e klientenan di Qredits Boneiru ku gratitut a hasi uso di e areglo aki.
Tinandamente, mas ku 55% di e klientenan di Qredits na Bonaire a hasi uzo agradecido di e areglo aki.
Qredits ta ofrese krísis coaching tambe durante e temporada di krísis aki. Empresarionan por apliká pa un coach pa papia tokante solushonnan pa problemanan ku nan ta enfrentá aktualmente ku nan negoshi. Pa empresarionan ku ta buskando konosementu i insipirashon durante e periodo akí Qredits a introdusí, den kolaborashon ku Google.org, un wèpsait yen di teps i artíkulonan informativo relashoná ku e temporada di krísis di Corona. Riba e wèpsait tin artíkulonan práktiko tokante por ehèmpel: enfoká riba posibilidatnan, kon pa anda ku pèrdida di benta i kon pa keda positivo den e periodo di krísis aki. Tambe ta ofresé diferente shablòn ku ta disponibel pa download pa yuda bo haña un bista di bo situashon finansiero i teps pa keda den bista kliente i posibel kliente durante e periodo aki. Un parti di e artíkulonan aki, tradusí na Papiamentu, ta disponibel riba e pagina di Facebook di Qredits Bonaire.
Ofresé mas ku krédito so, tambe den e temporada ansioso aki, ta lokual ku ta pas ku Qredits. Milagros Blanken, Branch Manager Bonaire: “Komo un isla chikitu nos desafionan ta grandi. Banda di esaki e fin di e krísis i su konsekuensianan (te ainda) ta duru pa pronostiká. Dor di esaki nos ta trata pa keda traha riba maneranan pa sigui sostené e empresario lokal pa nan por sobreviví den e temporada di krísis. Awor, mas ku nunka, nos ròl social komo dunadó di krédito ta sumamente importante.”
