Yudansa durante e pandemia
Kralendijk, Mart 17, 2020- Qredits ta introdusí medidanan adishonal pa su klientenan. Tur empresario ku un fiansa na Qredits por apliká pa yega na remarke di un periodo di grasia adishonal di 6 luna. Durante e periodo di 6 luna akí e kliente lo tin ku paga solamente 2% di interes. Di e manera akí e kliente ta ser aliviá di pago riba kapital di e fiansa i lo tin ku kumpli ku solamente un montante konsiderablemente abou di su interes. Esaki lo yuda ku e empresario ta haña un rosea pa e por sobrebibí den e temporadanan difísil akí.
E konsekuensianan di e medidanan tumá riba e islanan pa kontené corona vírùs tin un impakto sumamente grandi riba hopi empresario den diferente sektor “i huntu ku esaki klientenan di Qredits en partikular. Un supsidio di Ministerio di Ekonomia & Klima ta duna nos e oportunidat di duna un sosten adishonal na míles di empresarionan ken danki na e situashon aktual i medidanan en konekshon ku Corona vírùs a òf ta ser afektá i mester di un periodo di grasia adishonal. Nos ta sumamente agradesido pa esaki pasó di e manera akí nos por hasi un diferensia.” segun Elwin Groenevelt, fundadó i direktor di Qredits Microfinanciering Nederland.
Asina Qredits ta yuda emprosario pa pasa dor di pandemia.
Empresarionan ku fiansa na Qredits ku ta eksperensiando problemanan finansiero en konekshon ku e Corona vírùs por tuma kontakto ku e ofisina di Qredits aki na Boneiru na +599717-1412 òf via nos e-mail na bonaire@qredits.nl. Groenevelt ta agregá “Nos a risibí vários reakshon abrumador i emoshonal. Esaki ta mustra kon nesesario e sosten ta pa empresanan chikí. Mayoria empresario mester di likides i kapital pa trabou pa apsorbé e efektonan negativo di e siguiente lunanan.”
Kaminda ta posibel, Qredits lo bai ofresé un periodo di grasia adishonal di 6 luna sin gastunan adishonal. Durante e periodo di grasia akí e porsentahe di interes lo keda bahá na 2%. Di e manera akí e empresario no mester hasi uso di su likides pa paga e fiansa.
Qredits ya a duna sosten na 20,000 empresario na Hulanda i den Karibe Hulandes. Mayoria di e empresarionan akí ta doñonan di negoshinan chikí eksistente òf ”start-ups”.
Bo mes ta busca finansia pa bo emporesa?
