800 empleos a wordo kreá danki na mikro-kredíto ku a ser otorgá
Kralendijk – En konekshon ku Qredits su 5 aña di eksistensia den Karibe Hulandes, un enkuesta a keda hasi na fin di aña 2020 bou di klientenan di Kórsou, Aruba, Boneiru i islanan ariba pa midi e impakto sosial di Qredits promé i despues di inisio di e krisis di corona. Esaki ta e promé biaha ku ta midi Qredits su kontribushon sosial riba e islanan, i ta e intenshon pa sigui hasi esaki kada tantu tempu. E ‘highlights’ di e resultadonan i e ‘spin-off effect’ di e míkro fiansanan otorgá te ku 2020 a keda resumí den un rapòrt yamá ‘Qredits Caribbean Social Impact 2020’. E rapórt a keda kreá dor di SEO Economic Research Amsterdam. E resultadonan di Boneiru ta rekonfirmá ku Qredits a sá di realisá su obhetivo sosial i ekonomiko riba e isla.
Den 2009, Qredits Microfinanciering Nederland komo instansia finansiero sosial a inisiá finansiamentu na empresarionan (nobo) ku no tabata por a akudí na bankonan na Hulanda pa finansiamentu. Awe mas ku 25,000 empresario a ser sostené i finansiá, sumando un total di 500 mion euro. Adishonalmente, Qredits ta ofresé coaching i tambe un variedat di kursonan pa empresario. Qredits ta aktivo na Boneiru for di 2015, na Aruba i islanan ariba for di 2017 i for di 2018 na Kòrsou.
“Frekuentemente ta ser bisá ku: kompanianan chikí i mediano ta e motor di un ekonomia. Netamente pa e rason akí, pa un ekonomía optimal, ta di sumo aportansha pa stimulá i sostené ‘start-ups’. Akseso na finansiamentu i servisio(nan) di sostén pa ‘start-ups’ ta hunga un ròl grandi den esaki i ta pa e motibu aki Qredits a ser establesé na Hulanda na 2009 i for di 2015 riba e islanan di Karibe Hulandes," e fundadó i direktor di Qredits, Elwin Groenevelt, a duna di konosé.
Qredits na Boneiru a otorgá mas ku 8 mion dòler na finansiamentu te ku aña 2020, pa medio di 267 mikrokrédito pa invershon i 20 krédito transitorio. Via di e krédito transitorio Qredits Boneiru a asistí kompanianan eksistente ku a keda afektá pa e ‘lockdown’ kousá pa e pandemia di COVID-19 ku un fiansa ku términonan i porshento di interes atraktivo pa asina sigurá i salbaguardiá nan operashon pa futuro. Di e manera aki tambe hopi a logra mantené kuponan di trabou eksistente durante un periodo sumamente desafiante
Di akuerdo ku SEO su investigashon, mas ku 800 kupo di trabou a keda kreá na Boneiru durante e ultimo 5 añanan pa medio di Qredits su kontribushon na e sector empresarial. Ademas di esaki, kasi 70% di e empresarionan ku a keda finansiá lo no por a kuminsá nan empresa sin ayudo di Qredits. Un gran resultado ku ta sigui krese anualmente i ta prueba ku ‘start-ups’ ta e motor di un ekonomia.
E investigashon tambe ta indiká ku 75% di kompanianan finansiá, ta aun aktivo despues di 3 aña. Esaki ta nifiká un redukshon den gastu pa gobièrnu mirando ku danki na finansiamentu di Qredits, varios empresario a logra bira finansieramente independiente pa medio di e entrada generá mediante nan negoshi. Tin persona ku a logra sali for di ‘onderstand’ òf a kontratá empleadonan ku tabata kobra ‘ondertstand’. E progreso finansiero akí ta prueba ku Qredits ta aportá na redukshon di gastunan pa ku benefisionan sosial di gobièrnu di Boneiru sumando un total di mas o menos USD 230,000.
Groenevelt: “Qredits ta un instansia finansiero sosial. Un instansia sosial den e sektor finansiero ta algu úniko na Hulanda i na e islanan den Karibe. Qredits su mishon sosial ta ser ekspresá den varios area. Por ehèmpel Qredits su aserkamentu pa ku petishonan ta mas social i personal kompará ku otro instansianan (komersial) finansiero. Banda di esaki Qredits ta ofresé tambe algun kurso i coaching. Tur esaki pa yuda empresarionan ta fuerte, mas resiliente i mas eksitoso."
Dor di introdusí e konsepto di míkrokrédito na e islanan den Karibe Hulandes Qredits ta prueba no solamente di ta un ‘best-partice’ for di Hulanda, pero tambe un katalisadó di empleo riba e islanan. Gobiernu di Boneiru sigur por ta kontentu ku kontribushon i ‘spin-off effect’ di Qredits Boneiru.
E gobièrnu di Bonaire mester ta or orgulloso di e kontribushon i e 'spin-off effect' di Qredits Bonaire.
