Klaslokaal met juf en kinderen met blauwe waas

Deklarashon di privasidat

E regulashon di privasidat aki ta splika kua informashon Qredits ta kolektá, kon e ta keda manehá, i kon bo privasidat ta keda protehá. Dor di nos regulashon di privasidat, nos ta informá bo tokante kua dato nos ta warda, kua informashon ta keda transmití na terser partidonan i/òf otro usuario di Qredits, i nos ta tene bo na altura tokante bo derechonan. Nos ta rekomendá bo pa lesa e regulashon di privasidat aki ku kwido. 

Qredits

Qredits ta responsabel pa e prosesamentu di informashon personal ku ta tuma lugá riba i via e website www.qredits.nl i www.qredits.com. Tambe Qredits ta responsabel pa e presesamentu di informashon personal nesesario pa yudá empresarionan komo un provedó di krédito, dor di ofresé hèrmèntnan pa emprendementu, guia, i fiansanan empresarial. 

Qredits ta un nòmber komersial di e fundashon Stichting Qredits Microfinanciering Nederland. Qredits ta situá na Almelo (7607 GB), Egbert Gorterstraat 6, i ta registrá na Kámara di Komèrsio i Industria bou di e number 08183535. Bo por alkansá nos via mail na info@qredits.nl. 

Dikon Qredits ta kolektá i prosesá informashon personal? 

E prosesamentu di bo informashon ta nesesario pa nos por ofresé e produkto i/òf servisio deseá di un manera korekto i pa ehekutá e akuerdo den kua bo ta involukrá. Tambe, si tin un interes legítimo òf un obligashon legal, e prosesamentu di bo informashon ta nesesario. 

Dependiendo di e produkto òf servisio ku bo ke uza serka nos, Qredits ta prosesá bo informashon personal pa un selekshon di e siguiente motibunan: 

E prosesamentu di bo dato ta nesesario pa suministrá produkto i/of servisio, inkluyendo Krédito, Guia, Treinen i 'E-learning':

Pa formalisá òf ehekutá un akuerdo den kua bo ta un partido envolví. 
Pa kumpli ku kualke obligashon legal ku ta apliká na Qredits. 
Pa verifiká bo kredibilidat finansiero i solvabilidat, i pa kontrolá i verifiká informashon ku ta keda kompartí ku terser partidonan.  
Pa verifiká bo identidat. 
Pa mandabo informashon tokante e produkto i/òf servisio (presente òf futuro) di Qredits i su sosionan afiliá. 
Pa ahustá produkto i/òf servisio di Qredits mihó na e deseo i nesesidat di su usuario. 
Pa garantisá e disponibilidat di e wèpsait. 
Pa protekshon di e wèpsait i pa protehá e interes di Qredits. 
Pa konsultá informashon anónimo statístiko. 
Den e konteksto di guia profeshonal. 
Pa meta di investigashon. 
Pa por hasi merkadeo i promoshon dirigí riba gruponan spesífiko, aktualisashon di servisio, buletín informativo, i ofertanan promoshonal. 
Pa ofresé bo servisio na klientenan. 
Pa registrá notifikashon nan di disputanan i (presumiblemente) violashon di derechonan di propiedat intelektual i/òf otro aktonan ilegal. 
Pa manehá kualke keho di un manera e mas spesífiko i kompletu.

Kuá informashon Qredits ta kolektá i prosesá? 

Qredits tin diferente grupo meta. Un gran parti di e grupo meta ta konsistí di empresarionan potensial ku nesesidat di krédito. Banda di esaki, Qredits ta ofresé 'coaching' i treinen. Qredits ta prosesá diferente tipo di informashon personal pa e diferente grupo metanan. Pa e motibu aki, e deklarashon di privasidat aki ta disntingí e diferente grupo metanan.  

Informashon personal pa un aplikashon pa krédito 

Personanan ku apliká pa un krédito òf a firma un akuerdo pa un fiansa na Qredits por hasi uzo di nos plataforma di 'MijnQredits' ku ta destiná pa klienetenan ku krédito. Esaki ta un plataforma seif kaminda bo por haña tur informashon tokante bo fiansa mira. Den e plataforma aki, bo mes tambe por kaba yena bo informashon personal. Tambe bo mester krea un kontraseña ku lo keda uzá pa verifikashon den futuro.  

Durante e evaluashon di un aplikashon pa krédito, nos ta evaluá si nos por suministrá krédito. Pa esaki, nos ta hasi uzo di informashon personal ku bo ta kompartí ku nos. Esaki ta relashoná ku e siguiente datonan. 

Informashon di e aplikadó di krédito 

Sekso, nòmber, inisialnan, fam, fecha di nasementu, lugá di nasementu, nashonalidat, estado sivíl, adrès, email bálido, number di telefòn selular, number di telefòn, fuente prinsipal di entrada, nivel di edukashon mas haltu, grado di familiaridat ku Qredits, i si bo ta relashoná den un kaso di bankarota.  

Si bo ta entregá un aplikashon pa krédito serka nos, nos lo evaluá esaki ku kwido. Pa por hasi un evaluashon korekto di bo petishon i pa implementá e akuerdo korektamente despues di aprobashon, nos por pidi bo pa suministrá e siguiente datonan:  

Kopia di dokumento di identidat. Bo por uza e aplikashon di 'KopieID' pa esaki kual bo por 'download' den e 'Apple App Store'. E aplikashon aki ta keda uzá for di 'Rijksdienst' pa informashon nan di identidat.  
Plan di negoshi (huntu ku un plan finansiero (presupuesto operashonal, presupuesto di invershon, i presupuesto di finansiamentu) i presupuesto di likidashon). 
Balansa di añanan anterior 
Posishon di entrada i patrimonio di bo mes, bo posibel pareha, pareha, òf 'garant' 
Gastunan personal i montante di debenan 
Nòmber di banko i number di kuenta

Informashon di bo pareha, sosionan empresarial i sosionan di siosionan empresarial, ‘garantstellers’, i direktornan (kooperativo) 

Sekso, nòmber, inisialnan, fam, fecha di nasementu, lugá di nasementu, nashonalidat, estado sivíl, adrès, email bálido, number di telefòn selular, number di telefòn, fuente prinsipal di entrada i nivel di edukashon mas haltu. 
 
Bo mester pidi pèrmiso serka bo pareha, sosionan empresarial i sosionan di siosionan empresarial, ‘garantstellers’, i direktornan (kooperativo), promé ku bo kompartí nan informashon personal ku nos. Nos ta prosesá e informashon nan personal di e personanan aki komo ku e informashon ta nesesarion pa por traha un akuerdo i tambe implementá e akuerdo den kuá nan ta involukrá. Ademas, e informashon ta keda prosesá pa kumpli ku obligashon nan legal, manera e evaluashon di kredibilidat finansiero i verifikashon di identidat.  

Nos lo hasi e siguiente evaluashon nan ku bo iformashon i ku e informashon di otro partidonan envolví, manera ariba menshoná: 

BKR (registrashon di krédito for di 'Credit Registration Bureau') 
EDR ('database' di eksperensia di pago di 'Economic Data Resources B.V.') 
D&B (evaluashon di kredibilidat finansiero di kompania, for di 'Dun & Bradstreet') 
VIS (balides di dokumento di identidat, via 'Verification Identification System di Credit Registration Bureau') 
EVA (registro di froude, 'External Reference Application' di e Asosiashon di Kompania di Finansiamento den Hulanda i e Asosiashon di Banko di Hulanda)

Nos ta uza informashon for di e provedornan di servisio di informashon di kuenta (AISPs) solamente despues ku bo a duna pèrmit pa risibí akseso na e kuenta di pago. Ku e informashon aki, nos por evaluá bo kredibilidat finansiero.  

Informashon di kompania

Nòmber di kompania, number di Kámara di Komèrsio, fecha di registrashon na Kámara di Komèrsio, forma legal di negoshi, sektor, adrès/lokashon, number di telefòn, e-mail bálido, wèpsait, number di kuenta bankario, nòmber di banko, i plan di negoshi. Ora bo ta apliká pa krédito, bo tambe mester indiká e montante di krédito deseá.

Informashon personal sin aplikashon pa krédito

Si bo no apliká pa un fiansa na Qredits, pero bo ke, por ehèmpel, hasi uzo di nos un 'coach', sigui un treinen, òf 'download' un shablon, tambe bo ta suministrá informashon personal na Qredits. Bo ta yena e informashon aki riba nos wèpsait ora bo pidi òf registrá pa un produkto. Esaki ta konserní e siguiente datonan: 

Sekso, nòmber, fam, e-mail, number di telefòn, nòmber di kaya, number di kas, kódigo postal, i siudat. 

Otro informashon personal 

Tambe Qredits ta automátikamente prosesá informashon general tokante e komportamentu di 'surfing' di tur su bishitantenan ora nan uza qredits.nl i/òf e plataforma di 'MijnQredits'. Esaki ta inkluí e adrès di IP, e tipo di 'browser' ku ta wordu uzá, i e páginanan bishitá. 

Nos ta uza dato relashoná ku bo komportamentu di bishita pa hasi investigashon tokante e posibilidatnan di komunikashon riba nos produkto i/òf servisio i pa optimalisá nan. Pa rekonosé bo ora bo ta bishitá un wèpsait di Qredits, nos ta uza cookies. Nos tambe ta uza e cookies aki pa kolektá dato tokante bishitanan riba nos wèpsait. E informashon ku bo ta suministrá via e manera aki ta keda uzá solamente den akuerdo ku e lei i di un manera korektamente i kouteloso. Bo por lesa mas informashon den nos pólisa di cookies. 

Qredits ta apliká ‘Google Analytics User ID' pa haña un bista riba kon bishitantenan ta uza nos wèpsait i/òf e plataforma di 'MijnQredits'. 'Google Analytics' ta uza cookies pa sigui e dato tokante bishitanan riba nos wèpsait (qredits.nl) i/òf 'MijnQredits'. Esaki ta inkluí bo adrès di IP, ku Google ta prosesá i ku por keda relashoná ku otro dato ku Qredits a risibí di bo. 

Google por suministrá e dato aki na terser partidonan si ta legalmente obligá pa hasi esaki i/òf si terser partidonan ta prosesá e dato na nòmber di Google. Qredits no tin ningun influensia riba esaki. Qredits no a permití Google pa usa e informashon di 'analytics' optení pa otro servisio di Google. 

Bo por ahustá bo 'browser' pa no risibí cookies mas. Den e kaso ei, Qredits no ta garantisá ku tur produkto i/òf servisio i tur funshonalidatnan di e wèpsait lo traha korektamente. 

Finalmente, Qredits por risibí òf kolektá dato adishonal di bo for di terser partidonan i agregá nan na bo informashon, den e grado ku lei ta permití esaki. Pa ehèmpel, bo kredibilidat finansiero por keda kontrolá dor di pidi informashon adishonal tokante bo na un 'bureau' di kredito òf un kompania pa prevenshon di froude. 

Bo derecho komo suheto di datonan i posibildat pa oponé 

Semper bo por wak i, si ta nesesario, modifiká bo propio informashon personal den bo kuenta. Segun e Regulashon General di Protekshon di Informashon (GDPR), bo tin derecho pa manda un petishon di informashon na Qredits di un manera liber. Si bo ke sa kua informashon Qredits a registrá tokante bo, òf si bo ke solisitá, modifiká, òf eliminá dato ku bo no por wak, kambia òf eliminá den bo kuenta, bo por hasi un petishon pa esaki. 

Segun e Regulashon General di Protekshon di Informashon (GDPR), abo komo suheto di informashon tin varios derecho, inkluso: derecho di akseso, derecho di wòrdu lubidá, derecho di korekshon i kompletashon, derecho di probabilidat di informashon, derecho di restrikshon di prosesamentu di informashon, i derecho di oponé kontral e prosesamentu di informshon. 

Si bo ke hasi uzo di un di e derechonan aki i bo no ta satisfecho ku e kambio ku bo por hasi bo mes via bo kuenta di 'MijnQredits', bo por manda un petishon via e-mail na: privacy@qredits.nl. Si bo tin un keho tokante e uzo di bo dato personal i nos no logra haña un solushon huntu, òf si bo no ta satisfecho ku nos reakshon, bo por reportá esaki na e 'Supervisor di Privasidat'.  

Periodo di retenshon di bo datonan personal 

Nos ta warda bo informashon personal solamente duranto e periodo ku nan ta sirbi pa e meta pa kua nan a keda kolektá. 

Qredits no ta warda informashon personal mas largu ku esaki ta legalmente pèrmití. Qredits lo eliminá bo informashon personal den kualkier kaso ora nan no ta nesesario mas pa e meta ku nan keda kolektá, i si no tin mas interes legítimo pa prosesá nan segun e mesun meta. 

Si tin un akuerdo forma entre bo i Qredits, bo informashon personal lo wordu warda pa 7 aña despues di terminashon di e akuerdo (si tin un garantia for di e European Investment Fund, e peroodo lo ta 7 aña despues di e término di e akuerdo di garantia). E tipo di akuerdo aki por ta relashoná ku, pa ehèmpel, un kredito, un trayekto di mentoría, òf partisipashon den skol di emprendementu. 

Si ningun akuerdo di krédito no a keda firmá, e informashon personal lo keda wardá pa 5 aña despues di un rechaso òf retirashon di un aplikashon (di krédito). 

Si un produkto gratís a keda deskargá via e wèpsait, e dato personal lo keda wardá pa 2 aña despues di e deskargá e produktu. 

Den kaso di un registrashon di froude, nos mester warda e dato durante e periodo di registrashon. 

Desishon nan automatizá

Bo tin derecho pa no ta someté na desishon nan automatisá. Esaki ta nifiká spesífikamente ku bo solisitut di krédito no lo keda prosesá di un forma kompletamente automatisá. Nos ta garantisá ku siempre lo tin intervenshon humano den e proseso di bo solisitut pa krédito. 

Provishon di informashon di terser partidonan di Qredits

Qredits tin e derecho pa buska prosesadó nan di informashon personal di terser partidonan, òf pa parti di e proseso. E prosesadó nan aki ta nesesario pa e ambiente ònlain i e aplikashon nan uzá ta seif. 

Qredits i su prosesadó nan kontratá no lo alkilá òf bende bo dato personal na terser partidonan sin bo autorisashon eksplísito. Qredits ta suministrá datonan personal na terser partidonan solamente den e grado ku esaki ta nesesario pa implementá un akuerdo di un manera korekto. Esaki por inkluí: bo banko, notario, i òutoridatnan di impuesto. Si bo ta hasi un pago via e wèpsait di Qredits, e informashon nesesario pa e pago lo keda suministrá na bo banko. Si un derecho di hipotek lo keda establesé, e notario tambe lo risibí e informashon nesesario. Pa establesé un derecho di garantia, e akta di garantia lo keda entregá na e òutoridatnan di impuesto pa registrashon. Dato personal anónimo por keda suministrá pa investigashon statístiko òf sientífiko. En prinsipio, e dato personal lo keda prosesá solamente pa Qredits, su empleadonan i kompanianan afiliá. 

Sinembargo, Qredits por suministrá dato na terser partidonan si ta obligá pa hasi esaki bou di un disposishon legal òf un òrdu di korte. Tambe, un eksephon ta apliká si tin lei òf un òrdu hudisial ku ta eksigí e suministro di informashon personal den interes di prevení, detektá, òf prosesá aktividatnan kriminal (terorista) òf otro aktonan ilegal. 

Seguridat di informashon 

Qredits ta konsiderá hopi importante ku bo dato personal ta seif ku nos. Nos ta tuma medidanan tékniko i di organisashon apropriá pa protehá e informashon personal kontra pèrdida òf proseso ilegal. Ademas, nos ta traha solamente ku prosesadó nan kontratá ku por garantisá un prosesamentu di informashon sigur. 

Si bo ta sospechá ku bo kuenta a keda abusá, bo ta obligá pa tuma kontakto inmediato ku nos. 

Nos ta pidi bo pa semper aksesá bo kuenta ('login) via e página prinsipal di nos wèpsait i pa verifiká si e konekshon entre bo kòmpiüter i nos 'server' nan ta 'encrypted'. Nos tambe ta rekomendá bo pa revisá bo kontraseña regularmente i pa nunka suministrá esaki na terser partidonan. 

Bo mes ta responsabel pa e siguridat di bo kontraseña, 'username', i bo propio ret. 

Lenknan

E wèpsait di Qredits por kontené lenk na wèpsait di terser partidonan. E sitionan aki tin nan propio deklarashon di privasidat, i Qredits no ta responsabel pa nan aktividatnan, inkluso pero no limitá na maneho di datonan. Usuario ku ta suministrá dato personal identifikabel na òf via e wèpsait di terser partidonan, mester studia e deklarashon di privasidat relevante promé. 

Kompra di Qredits 

Si e aktividatnan di Qredits, òf aktividatnan relashoná ku dje den su mas amplio sentido, keda kumprá pa un terser partido di kualke forma, òf si tin un fushon ('merger) òf atkisishon ('acquisition'), bo ta duna pèrmit eksplísito na Qredits pa transferí bo informashon personal na e terser partido dor di aseptá e pólisa di privasidat aki. 

Adaptashon di e pólisa di privasidat  

E pólisa di privasidat aki por keda adaptá den futuro si funshonalidatnan nobo keda agregá na e produkto i/òf servisio di Qredits. 

Preguntanan tokante e pólisa di privasidat

Qredits ta traha pa un prosesamentu korekto i transparente di bo dato personal. Si bo tin pregunta òf keho tokante e prosesamentu di bo informashon personal òf tokante bo derechonan i obligashon nan riba esaki, bo por tuma kontakto ku Qredits via: Postbus 302, 7600 AH Almelo òf privacy@qredits.nl. Den e kaso aki, bo nòmber i informashon di kontakto lo keda wardá pa por manehá bo keho òf pregunta di e manera mas kompletu posibel. 