Bira un Coach di Qredits
Yuda empresarionan ku bo konosementu i eksperensia
Nos ta buskando empresarionan òf profeshonalnan ku tin pashon pa emprendementu ku ke yuda otro empresarionan. Bo lo kompartí i enrikesé bo propio konosementu i eksperensia den e área di emprendementu. Esaki ta un posishon boluntario, pero bo ta risibí hopi kontakto balioso i gratitut a kambio! Tambe lo bo siña kon pa komuniká efektivamente i motivá i inspirá otronan.
- Kompartí bo konosementu
- Yuda empresarionan krese
- Kontribuí komo boluntario
Bira un ‘Coach’ di Qredits boluntario i hasi un impakto!
- Strategia
Establesé un vishon realístiko i klá pa e negoshi, òf pa bo logra metanan.
- Merkadeo i Benta
Un strategia pa promové i bende produkto òf servisionan.
- Finansiero i Atministrativo
Risibí un mihó komprenshon di e sifranan di bo negoshi i risibí ayudo i guía ku e planifikashon financiero i presupuesto.
- Personal i Liderasgo
Problema relashoná ku personal i liderasgo, manera kontratá personal. Pero tambe e kreashon di un ambiente positivo, evaluashon, i desaroyo.
- Efektividat personal
Komprondé puntonan fuerte i oportunidatnan pa desaroyo.
- Tuma desishon nan importante
Guia den tuma i implementá desishon nan importante pa e kompania i tambe pa bo mes.
- Inskribí. Inskribí pa bira un coach di Qredits. Nos lo tuma kontakto ku bo pa sera mihó konosí ku otro.
- Promé sita. Durante e sita introduktorio, bo lo mira si Qredits i abo ta un bon kombinashon pa e ròl aki.
- Eventonan di Coaching. Durante nos eventonan di 'coaching', nos ta pasa dor di nos mishon i vishon. Asina bo ta konosé Qredits aún mas mihó. Huntu ku un treiner profeshonal, bo tambe lo keda profundisá den nos grupo meta, estilo di komunikashon, i e abilidatnan di 'coaching ku ta nesesario'. Un dia divertido unda bo lo siña hopi!
- Programa di Coaching. Qredits ta konektá bo ku un empresario ku tin un petishon pa yudansa. Nos ta basa esaki riba bo eksperensia i konosementu, i tambe riba e nesesidatnan i metanan di e empresario. Durante un sita introduktorio ku e empresario, bo lo mira si abo i e persona tin un klek. Despues di esaki, bo programa lo kuminsá.
- Evaluashon. Durante i na final di e proseso di 'coaching', nos ta evaluá e progreso huntu i pidi reakshon di ambos partido. E proseso di 'coaching' por stòp na e punto aki òf keda prolongá. E programa a kaba? Pues bo por keda konektá ku un otro empresario. Naturalmente, tur kos ta keda hasí pa medio di konsultashon!
Bo tin difikultat òf pregunta? Nos tei pa asistí bo! Tambe pa konseho tokante fiansa, treinen, òf ‘coaching’. Tuma kontakto ku nos.