E-learning skibi un plan di benta
Un plan di benta ta algu ku bo por tin kla rápidamente
Komo empresario, naturalmente bo ke hasi un bon trabou i presta. Den un plan di benta, bo ta spesifiká un plan pa por hasi esaki. Bo ta kontestá preguntanan manera: Ken bo ta komo empresario? Ken ta e klientenan ku bo ke aserká? Unda bo ta haña klientenan nobo? Ken ta bo kompetensianan? I kon bo ta sigurá ku nan ta kumpra bo produkto òf servisio? Den e ‘e-learning’ gratis aki, Qredits ta yudabo krea un plan di benta. Esaki ta un kurso ònlain ku bo ta sigui ta bo propio kuminiensia.
Krea un plan di benta ku e ‘e-learning’ di Qredits!
- ‘E-learning’ grátis ònlain
- Bo ta siña tokante diferente stratgia di benta
- Despues di e ‘e-learning’, bo ta siña kua strategia di benta ta mas kuminiente pabo
- Bo ta skibi un plan di bente
Den e ‘e-learning’, bo lo pasa dor di tur komponente di un plan di benta. Bo ta hasi esaki pa medio di teoria, ehèmpelnan, vídeonan, i tèstnan. Bo ta kumpli tareanan i desaroyá meta i akshon nan klá pa bo negoshi. Bo ta keda desafiá pa wak bo mes for di un punto krítiko i tambe bo produkto i/òf servisio. Tambe bo ta analisá e staregianan di benta di bo konkurensia.
- E ‘e-learning’ ta grátis!
- Bo ta risibí 6 luna di akseso na e ‘e-learning’
- E ‘e-learning’ ta konsistí di módulonan separá ku bo lo pasa dor di dje. Bo por stòp na kualke momentu i kontinuá despues.
- E ‘e-learning’ ta dura mas òf ménos 8 ora.
Despues di e ‘e-learning’, bo plan di benta ta klá, i bo por inisiá mesora!
Kiko ta un plan di benta?
Den un plan di benta, bo ta spesifiká e metanan di benta di bo kompania i splika kon bo ta bai logra esakinan. Bo ta definí ken bo klientenan ta i unda nan ta situá. Tambe bo ta definí kon bo lo sigurá ku nan ta kumpra bo produkto òf servisio. E plan aki ta kontené metanan i un plan di akshon konkreto. Esakinan lo guia abo i tur persona ku ta traha ku bo! Di e forma aki bo ta traha riba e resultadona di bo kompania di un forma konkreto.
Bo ke chèk un ehèmpel di un plan di benta? ‘Download’ un ehèmpel di un plan di benta aki!
Bo no por sali afó òf bo tin pregunta? Nos tei pa asistí bo! Tambe pa konseho tokante fiansa, treinen, òf ‘coaching’. Tuma kontakto ku nos.